父母一致性的重要 | 林嘉儀醫生

即使自閉症兒童願意接受行為訓練，能唔能夠有所進步，除咗有賴小朋友本身嘅主動性同吸收能力，父母嘅角色其實更為重要。試諗一下，如果父母經常就訓練有唔同意見，試問小朋友又點適應呢？

曾經遇過一位3歲妹妹文文（化名），佢早喺K1時已經接受訓練，經過兩年治療，佢嘅偏執行為同溝通技巧漸漸得到改善。回顧番整個訓練過程，我哋發現文文嘅媽媽每次都有一齊參與，而且非常明白小朋友嘅進度，知道咩時候適當介入，表現得非常正面。而且，文文父母從來唔會互唱反調，只要傾好一個方向，就會全力以赴。家長必須明白，每次爭拗都會令小朋友難受同無所適從，任何負面情緒都會窒礙訓練成果！