診斷標準︰社交互動能力 | 林嘉儀醫生

根據DSM-V診斷標準，社交同溝通能力不足係診斷自閉症其中一個範疇，究竟點為之社交或溝通能力不足呢？如果小朋友出現以下行為，就要及早正視啦！

社交互動能力困難︰

社交表現冷漠、鍾意獨自玩耍、較少留意其他同伴，甚少同人分享佢嘅興趣同感受，並且難以同其他同伴打開或者持續話題。

非語言溝通困難︰

同人溝通時欠缺眼神接觸，面部缺乏表情，說話時語調刻板或者用詞不當。當佢哋表示個人需要時，較少用手指指向物件。

發展人際關係困難︰

自閉症小朋友好少注意其他同伴，較難同人建立友誼，亦唔懂得因應各種社交環境而調整個人行為。